琴日真系讲都唔信有咁"桥".
话说本来捻住你要打波,晚黑先同你去食饭
点知中午突然接到你电话话你系文明路附近,叫我同你食饭
我用光速啦啦淋准备出门,由准备到出门口,都唔够20分钟,又破记录了
跟住就行去德政中间百搭果食饭.
2点几,由百搭果行去省博车站,准备陪你等车
点知就系路上撞我一个我捻都冇捻过噶人,
冇错,距就系刘生,当时噶情景真系好似发紧梦咁,
曾经无数次发梦我地会系条街相遇,今日居然实现咗,仲要系呢个情景下
当时你同个女仔拖住手行,开头都冇留意我
而我系一段距离之前就已经认出系你,可能你觉得有人望住你吧
跟住下意识咁望翻我,一见到系我,你都觉得好突然.
然后我都唔记得我系点同距讲咗一句野就走过了,
我太蠢了,居然冇望真距隔离拖住手个女仔个样,不过大概见到距噶身高同刘生都相差颇大
唉..世事往往就系咁奇妙,当你越想见,就越见唔到,反而系你毫无心理准备噶情况之下黎个巧遇
不过再见距,我完全冇当初噶感觉,可能真系隔太耐了,
我已经唔记得果种感觉,或者讲,我已经失去咗呢种感觉
以后话唔定我地仲会系某个地方相遇,唔知到时我地身边果位会唔会已经系我地噶另一半呢,呵呵!

好,讲翻呢排.
觉得自从你由屋企翻黎.对我噶态度明显好咗.
相比我岩放假,你成个月都唔稳我相比,的确好咗
星期4,你陪咗我成日,我地去咗科学中心,系大学城果边
星期6,中午同你食饭,晚黑同你同班波友食饭
开头班野话唔去食,你惊讲定突然又话唔去我会唔开心
虽然都系好小噶事,但系就系因为呢d小事,会令我觉得窝心
女人并唔需要好贵重噶礼物,好重大噶承诺,好突然噶惊喜
但系只要一点一滴噶关心,就可以令女人心花怒放
希望,你永远可以保持呢种热情唔变

呢段时间经常系度捻,我地究竟系米可以以后都系埋一齐
事实上,我地的确有好多好多噶差距
有时我都唔知我地之间点解可以相处到,
我地之间噶感情总系一冷一热,一疏一近.
虽然我地冇闹交,但居然可以一个月唔联络,
呢种感情,连我自己都唔知可以维持几耐.
不过未来噶野唔会有人知,将来系点我都唔想去幻想
只要走好眼前噶每一步就好了

下学期噶目标首先就要搞掂翻个微积分
呢科真系激鬼死我,第一次唯一一科要补考
补考一定一定要通过啊..!!!
拜托拜托!!唔该大家都要保佑我!!
系一定一定要过啊！！

跟住就系个4级,唔少人上学期都过咗,呢个学期我一定要过鬼咗个4级距..!!
然后就系期末唔洗再补考,全部科目都要通过啦!!